PERIOD·de·CAL(alifornia) : BBSCA : Solicitation Letter USA

basahin ang liham ng isa nating kanayon sa balsahan dito sa PERIOD·de·CAL(alifornia) . . .

PERIOD·de·CAL(alifornia) : 2009 BARANGAY BALSAHAN REUNION

basahin ang isang mahalagang kalatas para sa ating mga kanayong balsahan sa PERIOD·de·CAL(alifornia) . . .

ganito kami noon . . . picnic sa may tabing-ilog

matutunghayan dito ang mga video ng masayang picnic sa may tabing ilog.

ganito kami noon . . . more pictures

ilang larawan ng tropa sa balsahan

ganito kami noon. . . balsahan picnic

mapapanood dito ang video ng masayang picnic sa balsahan

ganito kami noon... Balsahan Bulungan

dito mapapanood sa video ang bulungan sa Balsahan.

PERIOD·de·CAL(alifornia) : SAD NEWS

Rickboy Camilo, pumanaw na. Basahin sa PERIOD·de·CAL(alifornia).

PERIOD·de·CAL(alifornia) BBSCA Barangay Balsahan Senior Citizen Association

basahin ang mga detalye ng pinagpulungan ng mga senior citizen ng balsahan (KILOS NA! NGAYON NA!) sa PERIOD·de·CAL(alifornia) . hinihikayat ang lahat na magbigay ng komento sa nasabing artikulo.

ganito kami noon . . .

tunghayan ang larawan ng magkapatid na taga -balsahan. tingnan sa ganito kami noon . . .

PERIOD·de·CAL(alifornia) BBSCA Barangay Balsahan Senior Citizen Association

basahin ang mga detalye ng pinagpulungan ng mga senior citizen ng balsahan sa PERIOD·de·CAL(alifornia) . hinihikayat ang lahat na magbigay ng komento sa nasabing artikulo.

komento at reaksyon

KUDOS MULA KAY KONSEHAL JOY UNAS . . .

Ikinagagalak ko ang paglabas ng ating website.

Napakahalagang kontribusyon ito sa ating mga ka nayon , san man sulok ng mundo.

Hindi lamang sa mga naisusulat dito o sa mga larawan.. kundi ito rin ang paraan upang mag ka buklod- buklod at magkakilala ang ating mga ka nayon.

Gusto kung batiin si Delfin at ang aking Kuya Ding... hindi kayang bayaran ng pera ang inyong pag tityaga, malasakit, at oras na binubuno ninyo sa pag likha ng ating website. ( ang lalim kasi ng tagalog e. )

Sa ating mga ka nayon ... babae man o lalaki.... may pera o wala... ulile man o matalino .... kayo ang bida !!!!

delfin .. kuya Ding


joyunas@yahoo.com . . . . . anak ng BALSAHAN

ganito kami noon (alaala ng kamusmusan)

isang munting kwento tungkol sa alaala ng isang anak sa kanyang ina , kapupulutan ito ng magandang aral. basahin sa ganito kami noon . . .

taga-balsahan ako (pinakamataas na posisyon na naabot ng isang taga-balsahan)

ipinagmamalaki ng mga taga-balsahan si kuya berto nazareno. basahin sa taga-balsahan ako .

karagdagang pahina : TAGA-BALSAHAN AKO

Kayo'ng mga taal at taga-balsahan ay ina-anyayahan na ipadala ang inyong maigsing talambuhay sa aming kuryenteng liham (e-mail). Mula sa mga pinadala ninyong impormasyon na may kalakip ding mga larawan, ito ay aming ipapaskil sa bagong pahina na may pamagat na TAGA-BALSAHAN AKO. Ang halimbawa nito ay ang "ding reyes' short autobiography" na naka-paskil na sa bagong pahina. Sa pahinang ito ay amin ding ipapaskil ang mga kanayon nating taga-balsahan na nagbigay karangalan , inspirasyon at nakatulong ng malaki sa ating lahat.

paboritong tugtugin, awitin at mang-aawit

Habang sinusubaybayan ninyo ang ating sutlang lugar, pwede kayong makinig ng mga magagandang tugtugin at awitin mula sa inyong paboritong mang-aawit . Magagawa ito sa pamamagitan ng pag-mamakinilya sa kahon na may nakasulat na " I would like to listen to:" sa may bandang ibaba ng pahinang ito ang pangalan ng inyong paboritong mang-aawit o pamagat ng tugtugin at awitin na nais ninyong pakinggan. I-click ang may tatsulok na imahen sa bandang kanan at inyo nang maririnig ang mga awitin.

komento at reaksyon

minarapat naming ilathala ang inyong mga pasabi at kami ay natutuwa sa inyong patuloy na pagtugay-gay sa ating sutlanglugar. harinawa ay hindi ito ang huli nating pag-niig ngunit simula ng isang masayang pagsasama . maging kaiga-igaya at maganda nawa ang ating sinimulan. maging magkatarato sana tayo sa anumang magagandang layunin para sa ating lahat lalung-lalu na sa ating nayon ng balsahan. patnubayan tayong lahat ng Panginoon.

KOMENTO AT REAKSYON :

MULA KAY GIL PILPIL...

Kuya Ding,
"Ako ay namangha sa mga matalinhaga mong pananalita. Alalaong baga, nanariwa sa aking isipan ang panahon na iyon na kung tawagin ako ay golti (itlog) dahil sa aking luslos (hernia). Buwisit na Joji Pelina at Pepe Ramirez na yan, walang ginawa kundi tuksuhin ako, he, he, he. Nawa ay matuloy ang mga planong ito at maabot ang layuning mapagisa tayo kahit man lamang sa kuryenteng liham (gusto ko yon a!). Sumainyo nawa ang ating Panginoong Hesus."
Gil

MULA KAY BANNY RONQUILLO...

Hi Ding:
"Ang lalim naman ng mga tagalog mo pero ok ah. Akala ko pangit na ang pangalan kong Bonifacio pero yun pala ay meron pa palang mas pangit pakinggan tulad ng sa yo. He he he joke joke joke only. Si Banny ito immigrant ng Balsahan dahil sa asawa kong si Myrna at secretarya pa niya. Ok ung idea ninyo kaya more power to both of you. Nandito ako ngayon sa Pinas enjoying myself. Hope to see you soon. "

Banny

MULA KAY GERRY TOLENTINO...

"Excellent job! Very touching music! We are proud of you Pare!
Regards and have a nice day! Gerry and Evelyn Tolentino"

MULA KAY MYRNA ALZAGA...

"Good morning, Ding! Thanks again! I am making sure I respond now-
"kudos"
to both of you. Great job! This is the beginning of a continuing bond,
celebration of heritage and culture of all of us from Balsahan. Keep up the
good work!

Have a great day!"
Myrna P. Alzaga,ChE
Director, Program Support Division
Environmental Management Department/S-7
MCAS Miramar
PO Box 452001
San Diego, Ca. 92145
Telephone: (858) 577-6115
FAX: (858) 577-4200
E-mail: Myrna.Alzaga@usmc.mil

MULA KAY BOYET LOPEZ...

jake/delfin,
"attached are pictures which you may want to put on the balsahan
website. kudos to both of you. you guys are doing a good job."

MULA KAY JOJIE PELINA ...


"GOOD JOB PARE AND TO DELPIN, THIS IS GREAT, GOOD LUCK. . ."

how GLOBAL-sahan started

noong ginawa ko ang blogsite para sa tropang txrd force,( ang blogsite para sa tropa ko sa balsahan) ang mga na-isulat ko doon ay ang mga kwento ng aking kapanahunan at larawan kung saan kasama naming nagkakatuwaan ang ibang taga balsahan. nang aking nilagyan ng mga lumang larawan at kwento ang aming blog, naisipan kong maghanap pa ng ibang maiku-kwento at naalala ko noon kapag may pulong sa balsahan ay mayroong parang trivia contest tungkol sa balsahan para hindi mainip ang mga tao. naalala ko si kuya ding. marami siyang alam kaya't kinuha ko ang e-mail address niya at humiling ako ng mga impormasyon at hindi naman niya ako binigo. mayroon lang siyang komento tungkol sa blog na ginawa ko. at ito naman ay malugod kong tinanggap. siya ay natutuwa at nagkaroon ng parang website ang tropa kasama na ang balsahan. matagal na pala niyang gustong magkaroon ng ganito. at naisip ko tuloy, bakit hindi kaya gumawa ako ng talagang para sa nayon ng balsahan. iyon ang gusto niyang ipahiwatig sa akin. sa pagpapaliwanag niya na yung mga higit na nakatatanda sa aming henerasyon lalu na ang mga nasa ibang bayan hindi na alam o kilala ang mga nasa larawan. para ito sa mga kanayon natin na nasa ibang panig ng mundo o tinawag niyang GLOBAL BALSAHAN. doon ko na nakuha an pamagat ang www.globalsahan.blogspot.com . sinabi niya sa akin na marami siyang maiaambag sa ikagaganda ng blog na ito. nagpapasalamat ako sa kanya sa mga payo at mga impormasyon para sa ikagaganda nito. at nang maipakita ko sa kanya ang aking ginawa , ito ay nagustuhan niya.

kung mapapansin ninyo tamang-tama ang imahe ng background ng blogsite na ito na parola na nagtuturo ng daan pabalik sa ating pinagmulan.

sana ay magustuhan ninyo ang munting handog naming ito. kayo ang aming inspirasyon. sana ay magkabuklod-buklod tayo at sumapi na din para sa higit na ikagaganda nito. maraming salamat po . . .

. . . delfin

kalatas (message)

Sa aking mga ka-nayon taga-Balsahan,

Isang masayang pagbati sa inyong lahat! Ako po sa Ding Reyes na lalong kilala sa Balsahan na "ding period". Hindi na ako mag papaligoy-ligoy at tatalakayin ko na ang punto ng aking mensahe sa inyong lahat. Ako po at si Delfin Gutierrez ay gumawa sutlanglugar ( web-logsite) para sa nayon ng Balsahan. Ang layunin ay upang magkalapit-lapit ang pinaglayong pagsasama natin na may mga pansariling kadahilanan. Sa pamamagitan po ng sutlanglugar na ito ay ating masasariwa ang mga nakalipas ng tunay na Balsahan. Dito po ay atin ding matutunghayan ang pang-kasalukuyan nangyayari sa paligid ng Balsahan. Sa mga planong pang-nayon ay makakasali tayo sa usapan kung tayo ay sang-ayon o hindi sa anumang balakin pang-kasayahan, proyekto o paghahanda sa anumang kalamidad na hindi natin inaasahan.

Ang amin lamang pong hinihiling ay ang partisipasyon ng mga taga-balsahan na tangkilikin ang sutlanglugar nating ito. Dito ay makapag-lalagay kayo ng anumang kumento ng hindi makakasakit sa damdamin ng nakararami o pinag-uukulan ng kumento. Mga kumentong itama ang maling pangalan, lugar, pangyayari o larawan na ilalagay namin ni Delfin. Maari din kayo magpadala ng mga lumang larawan (kung maari ay iyong mga black & white na larawan noong araw sa Balsahan) ng inyong pamilya sa kuryenteng liham(e-mail) ko (balsahan2002@yahoo.com) o sa kuryenteng liham ni Delfin (dmgtxrd4z@yahoo.com ) at kami na ang bahalang humango (upload) sa ating sutlang lugar. Mangyari lamang na limitahan muna natin ang mga larawan ipapadala ninyo sa kadahilanang ang oras ng paglalagay sa lugar ay baka hindi namin makayanan mailagay ng sabay-sabay, kaya limitahan muna nating sa mga 5-6 na larawang luma ng may temang balsahan ang paligid at mga tauhan dito. Samahan na din ng pamagat at paliwanag kung ano ito at kung sino-sino ang nasa larawan.

Matutunghayan din natin ang aking "PAGBABALIK-TANAW SA NAYON NG BALSAHAN" na sasalihan ng bawat isa sa atin, sapagkat ang pagbabalik-tanaw na ito ay mga katanungan ang TAAL na taga BALSAHAN lamang ang may kasagutan. Ngayon pa lamang ay simulan na ninyo ang paghahanap ng mga lumang larawan at ibahagi ito sa ating sutlanglugar. Kapag nagpadala na kayo ng inyong impormasyon ay ibahagi ninyo ang maigsing talambuhay (autobiography) ng orihinal o kasalukuyang pamilya ninyo. Pipilitin namin ni Delfin mailagay ang talambuhay ninyo kundi man agaran (asap) ay sa mga susunod na araw. Ang puntiryang panahon (target date) para mailabas o mapalutang (float) sa umandar na linya (online) ay mga unang bahagi ng Nobyembre ng taong kasalukuyan. Sa kadahilanang ang iba sa atin ay nasa halos iba't-ibang parte ng mundo, ang sutlanglugar na ito ay binansagan ko ng GLOBAL at dinugtungan at ginawa ni Delfin ng GLOBAL-SAHAN. Ang kabuuang pangalan ng sutlanglugar ay malalaman ng lahat sa lalong madaling panahon kapag nakalikom na kami ng sapat na impormasyon mula sa inyong lahat. Maraming salamat po at nawa'y pagpalain tayo ng Panginoon. Mabuhay ang Balsahan, tayo ay magkaisa.

Ako po si DING!!

PERIOD·de·CAL(alifornia)

periodical (adj.): meaning"published at regular intervals, as weekly, etc."

"dito ay pwede ninyong ipadala sa amin ni delfin sa pamamagitan ng pag-email kung ano man ang inyong nais na ipasabi o ipaalam bukod sa mga komento at puna. pwede ninyong sabihin dito ang mga gawain (activities), talaan ng mga gawain (schedule) sa mga susunod na araw na gusto ninyong iparating sa iba pang mga kanayon natin. pwede din po na ipabalita ang mga pangyayari (events) at ibang balita (news) sa balsahan man o saan mang lugar sa buong mundo kung saan may taga-balsahan, ito po ay ating ilalathala sa pitak na ito . . ."

pagbabalik-tanaw sa nayon ng balsahan

Paalala lamang para maiwasan ang hindi pagkakaunawaan, ang pagbabalik-tanaw na ito ay upang maalala natin ang nakalipas na panahon ng tunay at taal na taga balsahan sa pamamagitan ng papaano sila nakilala at binansagan ng pangalan sa sarili o lugar sa balsahan. Ano man o sino man ang mabanggit sa balik-tanaw na ito ay minarapat ko muna na ihingi ng paumanhin sa mga kaanak nito. Atin pong tandaan na ito'y upang ibalik ang ating masayang nakaraan at sama-sama nating ibalik sa ating alaala ang katayuan, kalagayan ng mga taong hindi natin malilimutan. Ang tema po ng pagbabalik-tanaw na ito ay kasali lahat tayo na taga balsahan. Babanggit po ako ng pangalan, ugali o lugar at sino man ang nakakaalam ng tamang kasagutan ay mangyari po lamang ibahagi ninyo ito sa pamamagitan ng mga sumusunod:
1. I-click sa may bandang ibaba na may nakasulat na KOMENTARYO(Post a Comment) para sa inyong kasagutan o komento.
2. I-type ang sagot sa malaking box na may nakasulat na"LEAVE YOUR COMMENT".
3. I-click naman ang bilog sa bandang ibaba na nakasulat ay" Name/URL .
4. I-type ang pangalan sa kahon ng NAME kung ano ang inyong palayaw o pangalan para sa kaalaman ng lahat.
5. I-click ang "PUBLISH YOUR COMMENT " para lumabas ang inyong isinulat.
Ilan lamang mga katanungan ang ibabahagi ko sa inyo sa araw araw o linguhan nating pagsasama sa site na ito.